Recèrcas per correspondéncia
Eths Archius despartamentaus que pòden, se eth estat deths documents ac permet, expedir còpias de documents precisament identificats laguens eth quadre d'ua desmarcha administrativa o juridica, o vos aidar a preparar era vòsta venguda aths Archius despartamentaus en vos dar pistas de recèrcas.
Eras demandas que s’an d’estar hèitas per escriut (corrièr, formulari de contacte generic) o en utilizar, entà eras demandas administrativas especificas, eth un deus formularis disponibles devath era rubrica "demanda de recèrca administrativa". Nada demanda per telefòne non serà pas presa en compte.
Se aqueras demandas implican era reproduccion de documents e era lor enviada, aqueras prestacions que heràn eth objècte d'ua facturacion. Entà mes d'informacions sus eras tarifas practicadas, que podetz consultar era pagina dedicada.
Pormor deth nombre de demandas recebudas e segon era natura dera vòsta demanda, un delai mes o mes pòc long que hè necèra entà la tractar. Que hèm eth noste possible entà redusir ath maximum eths delais de responsa.
Que trobaratz ací devath, un descriptiu deths tipes de recèrcas e deras orientacions de qui balham ath lor tractament.
Recherches de droits et attestations pour raison juridique ou administrative
Eras demandas de natura administrativa de qui ténhen documents indentificats de plan (natura deth document, data, administracion emetedera, objècte...) que son tractadas en prioritat.
Eras autas demandas administrativas de qui ténhen documents non identificats o de qui impliquan ua recèrca e seràn estudiadas ath cas per cas e que poderàn hèr eth objècte, se s’escai, sia d’ua presa en carga peth servici, sia d’ua orientacion cap a un professionau (estudi notariau, gabinet de genealogia, etc.) o cap a ua auta administracion.
Segon era lei n°78-753 deth 17 de juilhet de 1978 relativa ath melhorament deras relacions entre er’administration e eth public, e divèrsas dispausicions d’òrde administatiu, sociau e fiscau: en efèit, eths Archius despartamentaus ne son pas tengudas de respóner a demandas de qui, pera lor generalitat o era lor imprecision, non permeten pas d'identificar, sense recèrcas apregondidas, eths documents demandats.
Entà hèr tota demanda administrativa, que trobaratz informacions organizadas per tèmas e formularis de demanda laguens era rubrica «demanda de recèrca administrativa» deu noste site.
Recherches historiques et thématiques
Eras demandas ligadas a un projècte de recèrca tematica que son estudiadas ath cas per cas e que hèn eth objècte, se s'escai, d'ua orientacion cap aths hons e versaments conservats aths Archius departamentaus.
Entà formular era vòsta demanda, que vos cau utilizar eth formulari de contacte en linha ; eth objècte dera vòsta recèrca que s’a estar precís e clarament identificat entà estar tractat peths peths servici deths Archius.
Non podem pas substituïr-nos aths particulars entà efectuar eras lors recèrcas personaus. Eth noste ròtle que consisteish en orientar eth requerirent laguens eths nostes hons e versaments d'archius de qui semblan utiles ara sua recèrca, a carga entad eth de vénguer efectuar sus plaça eths despulhaments necessaris o de trobar un correspondent de qui ac poderà hèr en eths sués lòc e plaça.
Que podetz d'ara enlà consultar ua partida deths nostes instruments de recèrca accessibla per noste site. Era sobra deths nostes inventaris qu'ei accessibla sonque en sala de lectura deths Archius departamentaus.
Sus eth plan bibliografic, eth cercaire que pòt consultar eth catalògue dera bibliotèca deths Archius despartamentaus atau e eth inventari dera seria F (òbras d'erudits e de cercaires non publicats) sus eth site dera Mediatèca despartamentau.
Recherches généalogiques
Eths Archius departamentaus n’an pas vocacion a acontentar eras demandas d'entresenhas d'ordi genealogic de qui arriban plan nombrosa e de natura hèra divèrsa.
Laguens aqueth quadre, que dispausatz de ressorças en linha regropadas ara rubrica archivas en linha deth site. Entà obténguer mes d'informacions sus era numerizacion aths Archius departamentaus deras Hautas Pireneas, que podetz consultar era nosta rubrica "eths nostes projèctes de numerizacion".
Se eras ressorças recercadas non son pas disponiblas en linha, que podetz :
vénguer consultar eths documents devath era lor fòrma originau o devath ua fòrma microfilmada en sala de lectura.
sollicitar eras associacions e cercles genealogics dera region de qui pòden efectuar recèrcas entaths particulars. Notament eth fòrum genhp65, lòc d'escambis entre genealogistas de qui hèn recèrcas sus eth Departament. Eth site que permet de contactar plan de benevòles prèst a aidar d’autes genealogistas.