Eras Escalas de primtemps

Eth Despartament deras Hautas-Pireneas qu'organiza cada annada eth hestau deras Escalas de Primtemps de qui a per objectiu de portar entara lutz era diversitat e era qualitat dera cultura en gascon.

Aqueth hestau que permet d’adreçar-se a tots, gran public e public escolar (dia deths collegian e dia deras escòlas) en abordant era cultura en gascon per totas eras suas fòrmas (dera literatura ath cant) en ligar practicas culturaus popularas (Masterclass de polifonia e concors d'escritura) e espectacles : concèrts, lecturas.

Maugrat era sua navetat cap aths autes hestaus dedicats ara lenca, eth noste que's pòt enorgulhir d'aver arcuelhut artistas de qualitat coma Marilis Orionaa (entath sué arretorn sus scèna en 2022), Eth quatuòr Lopez, Aàgut, Vox Bigerri, Alidé Sans, Monacas, Papà Gahus, The Garuche Band, etc.