Preparar era sua venguda
Era sala de lectura deths Archius despartamentaus qu'ei aubrida a tot ciutadan, quines que sian eth sué atge e era sua nacionalitat. Er'inscripcion qu'ei gratuita, sus presentacion de ua pèça d'identitat valedèra (carta nacionau d'identitat, passapòrt, permís de condúser), un còp completat un formulari d'inscripcion. Er'inscripcion qu'ei valedèra entà er’annada civila en cors.
Pendent era vòsta inscripcion, ua carta de leguidor nominativa e estrictament personau que v'ei arremetuda. Qu'ei necessària entà demandar documents originaus o consultar documents numerizats.
S'inscrire
Entà panar temps, eth formulari d'inscripcion que pòt telecargar-se e plear-se peths vòstes suenhs avant era vòsta venguda. Qu'ei possible de transméter-lo nse peth noste formulari : notre formulaire de contact dab ua copia dera vòsta pèça d'identitat.
Arreservar documents entà consultà’us en sala de lectura
Atencion : qu'ei possible d’arreservar dus documents maximum.
Eras demandas que deven estar formuladas avant 12h entath lendedia.
Que las nse podetz transméter per : notre formulaire de contact en tornar dar eth vòste numèro de leguidor.
Se n’avetz pas nat numèro de leguidor (inscripcion non hèita o en cors), mercia d'indicar "non inscrit" sus era vòsta demanda d’arreservacion. Entà inscríver-vse, que consultatz er’arrubrica "inscríver-se" ací-dessús e que telecargatz eth bulletin d'inscripcion.
Eths autes documents de qui desiratz consultar que seràn a comandar directament ath près dera presidéncia de sala, pendent era jornada segon eras òras de lhevadas definidas atau :
• dimars - 13h45 - 14h15 - 14h45 - 15h15 - 15h45 - 16h15 - 16h45.
• dimèrcs e ditjaus - 9h15 - 9h45 - 10h15 - 10h45 - 11h15 - 11h45 - 12h15 - 12h45 - 13h15 - 13h45 - 14h15 - 14h45 - 15h15 - 15h45 - 16h15 - 16h45.