Classificar, conservar

Classificar, inventoriar, tractar : uas missions essenciaus entà conservar eths archius e era transmission ath public. Eth talhèr deths archius que hè tanben operacions d’arreligadura e de restauracion.

Eth classament deths archius

Eths archius despartamentaus que classan eths archius amassats e que redigéishen instruments d'arrecèrca (repertòris, banca de dadas...) entà accedir aths documents conservats.

Eth principi de basa deth classament deths archius qu'ei aperat « arrespèctes deths hons ». Eth hons d’archiu qu'ei un ensemble de documents de qui arresulta der'activitat de ua persona fisica o morau.

Eths diferents hons que son despartits laguens un cadre de classament identic a tots eths Archius despartamentaus.

Era conservacion deths documents

Daubuns documents, deteriorats peras maishantas condicions de conservacion o era simpla usadura deth temps qu’an besonh suenhs particulars.

En foncion deth loé estat, eths documents degradats que pòden èster hidats a professionaus de qui asseguran era restauracion segon nòrmes hèra estrictas. Eth talhèr deths Archius despartementaus deras Hautas-Pireneas que pòt tanben efectuar tot tipo d’intervencions (arreligadura, restauracion d'arreligadura, dauradura, restauracion de pergamins, restauracion deth papèr).

Paralelament ad aqueras operacions, que cau assegurar eras condicions optimaus de conservacion deths archius. Era conservacion preventiva que consisteish a gardar-se dera degradacion deths documents pera luta contra eths lors enemics : umiditat, lutz, maishant condicionament, atacas biologicas e manipulacions.