Controlar, collectar

Memòria deth despartament, eths Archius qu'an per tòca de collectar e sauvagardar eths documents, administratius e privats, arrelatius aras Hautas-Pireneas. Ua mission de qui ns’hè gòi quan sabem que permeterà de transméter eth testimoniatge der'istòria haut-pirenenca aras generacions futuras.

Eths archius administratius

Eths Archius despartamentaus qu'asseguran, ath nom deth Estat, eth contròle scientific e tecnic deths archius publics produsits laguens eth despartament :

• Archius deths servicis e establiments publics deth Estat : prefectura, tribunaus, servicis deconcentrats, Parc nacionau deras Pireneas, etc.
• Archius deths servicis e establiments publics deth Despartament
• Minutas e repertòris deths oficièrs publics e ministeriaus, e tot particularament deths notaris
• Archius deras comunas

Qu'amassan eths archius ath tèrme dera loa durada d'utilitat administrativa.
Eras minutas e eths repertòris de notaris que son portats ath sortir de un delai de 75 ans.

Entaras comunas de mens de 2 000 abitants, eth depòst deths archius de mes de 100 ans (150 ans peth estat civiu) qu'ei obligatòri pera lei (Còde deth patrimòni, libe II sus eths archius).

Depositari deth archius d'ancian règim, que conservan documents de qui per d'aubuns e datan de 9 sègles.

Les archives privées

Eths archius privats de qui pertòcan er'istòria deth despartament que son tanben arrecercats.

Archius familiaus, d'entrepresa, d'associacions, d'arquitèctes... ; mantun tòme o en quauques huelhets, tot qu'interessa eths Archius despartamentaus.

Aquestes que pòden aquesir eths documents per don, depòst legau o crompa.