Numerizacion deths verbaus de delimitacion deras comunas

Eths verbaus de delimitacion deras comunas.

Era lei deth 15 de seteme de 1807 que prescriu eth establiment entà cada comuna de un cadastre parcellari, aperat « cadastre napoléonien ». Tad aquò hèr, eths hèits deras comunas que son tot permèr delimitats. Eth verbau de delimitacion acompanhats deth verbau de division dera comuna en seccions de cadastre qu'indica eras limitas dab eras comunas vesias. Qu'ei establit entre eths maires deras comunas limitròfa. Atau coma eths estats deras seccions, eras matriças e eths plans, aquestes documents qu'estόn establits en dus exemplaris conservats eth un ara direccion deths servicis fiscaus, eth aute laguens eras comunas. Encòra uei, aqueth document que demòra fondamentau entara definicions deras limitas deth vilatge.

Era numerizacion

Era numerizacion e era mesa en linha de documents d’archius qu'an duas foncions principaus :

• Era numerizacion que contruibueish ara preservacion deths documents originaus ; en efèit, era loa manipulacion qu'engendra naturaument petitas degradacions de qui'us gastan ineluctablament. Un còp numerizat, que seràn consultats sonque excepcionaument.
• Era mesa en linha que permet de hèr er’accessibilitat aisida tà tot eth monde, per càs hèra luenhèc, honts istoricas de qui èran dinc ara consultaders sonque sus plaça en sala de lectura deths Archius despartamentaus.